Ragnarskviða

Nískupúkinn og helgi verslunar

Fór á "Nískupúkann" á gauknum á laugardagskvöldið, Múgsefjun, Dikta, Últra Mega Teknóbandið Stefán og ein sem ég man ekki hvað heitir- enda missti ég af henni sökum matarboðs.

Þakka öllum sem tóku þátt í gleði helgarinnar og gerðu þessa helgi að hinni ánægjulegustu í alla staði. Þið eigið öll þakkir skilið því án ykkar hefði þessi helgi ekki orðið að veruleika.

Góðar stundir

1 manns fyllerí, síðasti drykkjubolti er sandra.

föstudagur 17. ágúst 2007

21:20 | Sigurjón Ragnar Viðarsson

Kominn heim í heiðardalinn

...Frá Þýskalandi, Sviss og Ítalíu. Mikið fjör, og heljarinnar ævintýri sem segja þarf frá við betra tækifæri.

Ragnar- einnig þekktur sem Ragnar dúlllllla!!!!, býður ykkur:

Góðar stundir

5 manna fyllerí, síðasti drykkjubolti er auðuranna.

sunnudagur 26. ágúst 2007

21:24 | Sigurjón Ragnar Viðarsson

Tók próf

Finnst ykkur ekki fínt að vera búin að taka próf? Taka próf og... vera frjáls. Ég tók próf. Ég tók vitlaust próf.... en samt ekki? Það var rétt efni (línuleg algebra)...en vitlaust próf.

Það voru tvö mismunandi próf í línulegri algebru fyrir rafmagnsverkfræðinga, í tveimur herbergjum í tveimur stigagöngum í sama húsi. Og ég tók vitlaust próf. Jeeedúddamía... Prófessor kominn í málið, sem skýrist vonandi í vikunni.

Góðar stundir

Enginn bjór

miðvikudagur 29. ágúst 2007

07:53 | Sigurjón Ragnar Viðarsson

Náði prófi

Fékk póst frá prófessor Falk, tjáði mér að ég hefði náð prófinu og að hann skyldi meta það sem rétt próf. Bað mig svo um að taka ekki mark á prófyfirsetufólki heldur taka alltaf rétt próf framvegis.

Mér er létt.

Tók svo annað próf í gær, það var fínt, og rétt! Fæ að vita einkunn eftir 2 vikur í mesta lagi.

Já og svo er ég að fara í heimsókn til Jakobs og Söru um helgina. Jibbíkóla!

Góðar stundir

ps: Hvernig er best að þvo lýsi úr fötum? Ég fórnaði einu plaggi í Aceton-lög og ætla að vita hvort að lyktin hverfi ekki. Ég þekki ekki nógu marga efnafræðinga... og hef ekki lært nóg sjálfur; en ég held að sýrur og basar hverskonar séu þekktir olíu og lyktarbanar. Ekki spennandi að vera lyktandi eins og lýsistunna hvar sem maður fer. Seisei nei.

pps: Þess má einnig geta að Aceton er eitt af fáum efnum sem er bæði olíu og vatnsleysanlegt, merkilegt það ekki satt!

4 manna fyllerí, síðasti drykkjubolti er Orri.