Ragnarskviða

Óskar í fullu fjöri

Já, Óskar litli bróðir er í Tælandi as we speak. Endilega kannið stöðu mála á hlekknum hér til hliðar, óskar ferðalangur.

Vorum sjálf ferðalangar í síðustu viku og fórum á snjóbretti, það dúkka eflaust upp myndir hér innan tíðar. Svava vinkona er í heimsókn frá London, kom á föstudaginn og fer í fyrramálið, yndislega gaman að hitta hana yfir helgina. Kannski myndir frá helgini innan tíðar ef guð og lukkan lofar.

Já... Elín var að klippa mig. Myndir af því síðar?

Góðar stundir

2 manna fyllerí, síðasti drykkjubolti er Raggi.

fimmtudagur 15. feb. 2007

08:15 | Sigurjón Ragnar Viðarsson

Einn heima

Ég er einmana, Elín er á Íslandi og kemur ekki aftur fyrr en á sunnudaginn. Mér leiðist ekki, síður en svo. Þetta er búið að vera á döfinni: nóg að gera í skólanum, fara í yoga, meira að gera í skólanum, horfa á bíómyndir og heimildaþætti, hlusta á tónlist, lesa bækur, lesa skólabækur, lesa aðrar bækur, elda mat, borða mat, fara út að borða, fara í heimsókn til Krissa, spjalla við Elínu á skype, kynnast nýju fólki, fara á hljómsveitaræfingu, rápa um á netinu svo lítið eitt sé nefnt.

Á eftir að gera eftirfarandi: Laga hjól, lesa meira í skólabókum, hlusta meira á tónlist, borða matinn í ískápnum, fá mér einn öllara um helgina, forrita meira, reikna meiri Línulega Algebru, hugsa til Elínar, hlakka til þess að hitta Elínu, þjófstarta bolludeginum, senda nokkur email, fylgjast með því hvort Ingibjörg frænka eignist barn nr.2,

fjúff... það er ekkert lítið sem gengur á. Mæli með yoga, það er massíft stöff og sannkallað low intesive æfing sem býður uppá mikið af harðsperrum. Namminamm! Og nýr Indverskur staður komin á kortið, sá besti hingaðtil? Mér er spurn...

Góðar stundir

6 manna fyllerí, síðasti drykkjubolti er tinna.

laugardagur 17. feb. 2007

01:40 | Sigurjón Ragnar Viðarsson

Svona er það bara...

Tónleikar með "Human feel", Kurt Rosenwinkel, Chris Speed, Jim Black og Andrew D'Angelo kunna skítinn sko...

Helmagnað alveg hreint, mæli með þessu ef þið náið þeim einhversstaðar á 5 ára fresti.

góðar stundir

Enginn bjór

þriðjudagur 27. feb. 2007

08:47 | Sigurjón Ragnar Viðarsson

Mikil gleði og mikil sorg

Mikil gleði, því Elín fann gleðina í Grafískri hönnun. Hætti í skólanum og skráði sig í skemmtilegan kúrs í staðinn. Mikilvægt að gera ekki það sem manni finnst leiðinlegt því það hressir ekki.

Mikil sorg vegna þess að Jakob og Sara hættu líka í sínum skólum og eru að flytja... í dag! Mér finnst ég vera vondur bróðir að hjálpa ekki meira til en ég gerði í gær, það er svo mikið að gera í skólanum.

Ný tónlist í spilaranum, John Legend- R'n'B rosa gott stöff, Camera Obscura- Belle and Sebastian stöff frá Glasgow, Whitest Boy alive- gott pop stöff, Lamb of God- Massíft gott HörkuRokkStöff ekki fyrir viðkvæma.

Ætlum að halda áfram í Yoga! Engin smá líkamsrækt það skal ég lofa ykkur. Forritun á hug minn allan þessa og næstu viku, stórt skilaverkefni á döfinni. Er að forrita bókunarkerfi fyrir bíóhús og leikhús (bíó á Íslandi mættu taka sér þetta fyrirkomulag til fyrirmyndar...). Sáum myndina "Little Children" um daginn, hún er fín, var tilnefnd til Óskarsverðlauna en ég veit ekki hvernig það fór allt saman. Ég held samt að Martin Scorsese hafi fengið óskarinn loksinns...

Ekki mikil samfélags ádeila á döfinni, allt svo bleikt hjá mér þessa dagana. Tónleikar með Andrew Bird 24. mars, langar líka á Sepultura 7. mars. Spurning um að skella sér bara...Rooootsss... blooodddy roooootsss.....

Góðar stundir

3 manna fyllerí, síðasti drykkjubolti er Garðar.