Ragnarskviða

Trúir þú á álfa?

Mikið að gera í páfagarði sbr. þessi frétt. Mikið held ég að það sé gaman að vera páfi og taka mikilvægar ákvarðanir. Nú ætla ég að taka mikilvæga ákvörðun og fara niður í bæ, fara svo að hlaupa og læra.

Góðar stundir

5 manna fyllerí, síðasti drykkjubolti er Ragnar hinn loðni.

mánudagur 16. okt. 2006

20:20 | Sigurjón Ragnar Viðarsson

Rafmagn sprafmagn

Fékk skemmtilegt bréf frá rafmagnsveitu Gautaborgar þess efnis að þeir ættu eftir að gera við mig samning um leigu á rafmagnsnetinu þeirra. Lét hins vegar fyrirtækið vita sem sér um að skamta mér rafurmagnið umtalaða... Hversvegna er þetta ekki sami hluturinn? Hvers vegna þarf að vera vesen? Jæja mæja, þeir hótuðu að aftengja rafurmagnið hjá mér ellegar yrði ég ekki við ósk þeirra um samningagerð. Annað vesen, nú varðandi leigusalann minn SGS Studentbostäder. Skrifstofan þeirra er staðsett á 4 mismunandi stöðum í bænum og hver skrifstofa hefur umsjón með einhverru mjög vel skilgreindu og takmörkuðu. Þar fyrir utan er bara opið á mjög annkannarlegum tímum þannig að maður getur ekki í veröld víðri náð að fara á alla staði sem maður þarf til þess að sinna sínum erindum, tekur að minnsta kosti viku. Takk fyrir og bless, lifi skrifræðið!

Góðar stundir.

ps: þess ber að geta að á þeim 10 dögum síðan ný ríkisstjórn var mynduð hafa 2 ráðherrar(ráðfrúr?) sagt af sér vegna kjánagangs.... og Árni Johnsen, rugludallur með meiru, er ennþá í pólitík heima? Hvað er ekki rétt í þessari mynd?

4 manna fyllerí, síðasti drykkjubolti er Garðar.

þriðjudagur 24. okt. 2006

19:26 | Sigurjón Ragnar Viðarsson

Mikið um prófalestur þessa dagana

Enda próf á næsta leiti, föstudagur til frægðar segi ég nú bara. Ekki mikið annað á döfinni, jú annars. Kristumundur Guðmundsson á afmæli á laugardaginn og hann er líka að útskrifast, Masters vörn á top-secret verkefni, sem enginn fær að hlusta á nema sá hinn sami sé með top-secret-leyfi-frá-volvoTrucks, á fimmtudaginn.

Einn Krissi fyrir lesendur.

Góðar stundir

4 manna fyllerí, síðasti drykkjubolti er Ragnar.

sunnudagur 29. okt. 2006

13:18 | Sigurjón Ragnar Viðarsson

Jæja, nú er leiðinlegt aftur

Prófin búin, afmælið búið, prison break búið. Allt búið, þá er leiðinlegt aftur. Skólinn byrjar af fullum krafti strax á morgun. Gaman gaman...

Góðar stundir.

3 manna fyllerí, síðasti drykkjubolti er Danni Fann.